56健康网广州话里头，有好多俗语都会教人安守本分。呢种“本分”可以系一个人嘅身体状况，亦可以系一个人嘅经济或社会地位。隔离屋嘅哥仔去韩国玩，想吃碗人参鸡汤，个阿妈马上就问，你“受唔受得”？意思就系，人参鸡汤咁补，啱唔啱你身体状况呢。广州人仲中意讲“冇咁大个头，就唔好戴咁大顶帽”，即话凡事要根据自己实际情况出发。譬如，有人想开豪车，住大屋，结果搞到周身债。老人家就会教育自己嘅子孙，千祈要“睇餸食饭”啊！
广州话里头，有好多俗语都会教人安守本分。呢种“本分”可以系一个人嘅身体状况，亦可以系一个人嘅经济或社会地位。隔离屋嘅哥仔去韩国玩，想吃碗人参鸡汤，个阿妈马上就问，你“受唔受得”？意思就系，人参鸡汤咁补，啱唔啱你身体状况呢。广州人仲中意讲“冇咁大个头，就唔好戴咁大顶帽”，即话凡事要根据自己实际情况出发。譬如，有人想开豪车，住大屋，结果搞到周身债。老人家就会教育自己嘅子孙，千祈要“睇餸食饭”啊！
呢类俗语，听上去有啲保守，不过并冇排斥创新，只不过提醒人，要有阔大嘅眼光，预知一件事嘅代价同结果。“食得咸鱼抵得渴”，就系呢个道理：你可以作出自己嘅选择，但系最后嘅结果，要睇得清楚，要勇于承担。老人家从细教落，付出先有收获。“边有咁大只蛤乸随街跳”就系教人：唔做白日梦，唔贪小便宜。
